WSC: Socdaalkii Meles Zenawi ee Muqdishu

Haa! Meles Zenawi wuu booqday Muqdishu, laakiin wuxuu u booqday sidii Hitler u booqday Paris (occupe) oo la ahaysto 1940!... Isagoo gumeysi, ku-dul-noolaansho iyo dal-qabsi la socda!...Waxyar dabadeedna dib u cararay, isagoo wax xilleh lagu dhigay, meel u marayna la waayey!...

Waxaan rajeynaya, AFP-yow, hadduu Meles ku ammaanan yahay arrintaas, in Hitler-na ammaan ka mudan yahay, soo-laba-kaclayntiisuna ay noqon karto wax loo baahan yahay!... Mise xis iyo xusuusbaa idinka lumay, maankiinii baa idinka maqan oo weydaan isogayn? Mise dadla’aan iyo damiir la iibsaday baa idin haysta?!?!...

Sidey dooniba ha ahaatee, WSC wuxu ballaqaadaya inuu ka dabategi baadi-halaynta joogtada ah ee media qarbigu ku hayaan Qadiyadda Soomaaliyeed, been-abuurka iyo balaayo-alooska ee aad ku taageersaan burburinta Qaranka iyo Dowladda Somali Republic. Shacabka Soomaaliyeedna, waxa hubaal ah, inuu iska dhicin doono cadowga soo-jireenka ee Abassiiniya iyo dabadhilifyadiisa qalinka iyo qoriga!...

WSC

O. Malow